Adressa:
Administraziun cumünala
Controlla d'abitants
Arfusch
7546 Ardez

Contact Administraziun cumünala

Annunzcha

Per s’annunzchar ad Ardez Tilla/Tils giavüschaina da gnir persunalmaing pro nus al fanestrigl e quai infra 8 dis. Per plaschair tour cun sai la seguainta documainta:

Annunzcha per domicil stabel da persunas svizras
cun domicil d'impostas e dret da vuschar ad Ardez

• Cudesch da famiglia (pro famiglias chi sun gnüdas nanpro)
• Attest/s da vaschinadi
• Cudesch da militar resp. da protecziun civila

Annunzcha per domicil dürant l'eivna

• Attest da domicil dal lö da domicil

Müdamaint d'adressa in cumün

Das-chaina giavüschar d’annunzchar infra 8 dis müdamaints d’adressa.

Annunzcha da partenza

Persunas chi nun han plü domicil ad Ardez fan il bain d’annunzchar la partenza infra 8 dis. Pro persunas svizras chi sun annunzchadas sco domiciliats vain nus implü dabsögn dal cudesch da servezzan.

Annunzcha da persunas estras 

Daspö ils 1. gün 2002 sun in vigur ils contrats bilaterals chi reglan eir la libra circulaziun da persunas. Infuormaziuns e formulars as chatta suot il seguaint link:

Uffizi per pulizia grischun

Infuormaziuns per passaports e cartas d'identità

www.schweizerpass.ch

Ulteriurs formulars

Ha Ella/El dabsögn d'ulteriuras infuormaziuns o formulars? Gugent stain nus a disposiziun per spiegaziuns.

Extrat dal register penal central 

A partir dals 1. schner 2000 sun ils registers penals dal chantun e da la confederaziun chi gnivan administrats manual, gnüts rimplazzats tras ün register penal central cumplettamaing automatic.. Ils formulars correspundents per dumandar ün extrat our dal register penal, pon gnir postats in scrit pro'l register penal.

Extrat dal register penal per posta: www.strafregister.admin.ch

Register penal

Daspö ils 1. settember 2009 po l’extrat dal register penal gnir retrat sco documaint electronic, segnà digital, pro l’uffizi federal da güstizia. Cun quai metta l’uffizi federal da güstizia sco prüm uffizi in svizra a disposiziun ün documaint da pdf cun suottascripziun digitala chi’d es legalmaing valabel.

Ulteriuras infuormaziuns suot: www.strafregister.admin.ch